Супер-Инфо
super.kg видео
ЭЛДИК КАБАР: "Ош шаарындагы Анар кичи районундагы көп кабаттуу үйлөрдүн алдын жашоочулар гараж салып, короо кылып тосуп алышкан" дейт окурман
"Ош шаарына караштуу Анар кичи районунда көп кабаттуу үйлөрдүн айланасын биринчи кабаттын жашоочулары мүмкүн болушунча тосуп алышкан", - деп билдирет Элдик кабар бөлүмүнө окурман.
Окурмандын айтымында, балдар аянтчасынан бери тосулуп калгандыктан, унаа токтотконго да жер жок.
"Биринчи кабаттын жашоочулары гараж салып, короо кылып тосуп алышты. Ал жерлер алардын менчигине кирбейт да. Мэриядан деле караган киши жок. Жердин баары тосулуп калгандыктан, кээде унааларды балдар ойногон аянтчага токтотуп жатабыз. Ош шаарындагы негизги көчөлөрдөгү дүкөндөр алынып, тазалаганы болбосо көп кабаттуу үйлөрдүн короолору баягы эле таз кейпинде", - деп жазат окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |