Дарыгер - эне тиреши 2. "Эне атырылган дарыгер мурунку эмес, башка" дейт 3-оорукананын башкы дарыгери

Интернетке эненин дарыгерге атырылган видеосу тараган. Бул окуя боюнча 3-балдар ооруканасынын башкы дарыгери Гүлнара Жанабилова SUPER.KG порталына комментарий берди. Анын айтымында, мурунку дарыгердин аталган окуяга тиешеси жок.

"Бизде ошондой окуя катталганы чындык. Азыр ошол боюнча жыйын кылып жатабыз. Бирок окуяга аралашкан мурунку эмес, башка дарыгер. Биринчи окуяга аралашкан дарыгер учурда декреттик өргүүдө. Ал эми экинчи окуя боюнча, ал дарыгер да кош бойлуу болчу. Чырдан кийин анын боюнан козголуп, учурда ооруканада сактанууда жатат", - деп билдирди башкы дарыгер.

Эске салсак, интернет айдыңына дагы бир эненин дарыгерге нааразы болуп атырылган видеосу тарап, маалыматтар булагына ал буга чейин ушундай эле окуяга туш болгон дарыгер экендиги айтылган.