Депутат Ирина Карамушкинанын айдоочусу 2 жылга шарттуу кесилди

Мас абалында депутаттын кызматтык автоунаасын айдап бара жатып 1 адамды сүзүп өлтүргөн ЖКнын депутаты Ирина Карамушкинанын айдоочусу Алексей Хурасаев 2 жылга шарттуу кесилди. Чечимди 19-августта Чүй райондук соту чыгарды. Жабырлануучуларга акчалай төлөм төлөтүү боюнча берилген арыз каралган жок. Эскерте кетсек, айдоочу 2012-жылдын 26-февралында Бишкек-Торугарт жолунда Тойота Камри унаасы менен кырсыкка учураган. Анда 70 жаштагы Асангазы Кутманалиев аттуу жаран кырсык болгон жерден көз жумуп, 35 жаштагы Алмаз Матиев оор жаракат алган.