Кыргызстанда 1-октябрдан баштап пенсия 11 пайызга көбөйөт

20-августта президент Алмазбек Атамбаев Социалдык фонддун төрагасы Мухаммедкалый Абылгазиевди кабыл алды. Жолугушууда Соцфонддун төрагасы 1-октябрдан баштап пенсия көтөрүлө турганын айтты. Башкача айтканда, пенсиянын көлөмү 11 пайызга көбөйүп, 4554 сомду түзөт. Өлкөдөгү 571 000 пенсионер көбөйтүлгөн пенсия алып баштайт. Ал эми тиричилик минимумунан төмөн суммадагы акча алып келгендердин пенсиясы 3 пайызга жогорулап, ал 334 000 адамга берилет.