Айдоочулар жана жүргүнчүлөр сак болгула! Тоолуу райондордо кар көчкү түшүүсү күтүлөт

29-январдан 31-январга чейин өлкөдө жаан-чачындуу аба ырайы күтүлөт. Буга байланыштуу республиканын тоолуу райондорунда, Бишкек-Ош унаа жолунун 121-138-чакырымдарында (Төө-Ашуу ашуусу), 198-255-чакырымдарында (Ала-Бел ашуусу, Чычкан капчыгайы) кар көчкү түшүүcү жана кар күрткүсү күтүлөт, жолдор тайгак болуп, муз тоңот.

Өзгөчө кырдаалдар министрлигинин маалымат кызматы айдоочуларды жана жүргүнчүлөрдү сак болууга чакырып, унаалардын ортосундагы 500 метр аралык кыймыл чектелиши зарыл экенин маалымдайт.