Матраимовдордун "Азаттык", "Kloop.kg", "24.kg" басылмаларынын үстүнөн жазган арызы боюнча сот отуруму өтүүдө

Бүгүн, 29-январда Бишкектеги Свердлов райондук сотунда Матраимовдордун "Азаттык", "Kloop.kg" жана "24.kg" басылмаларына карата жазган доо арызы боюнча соттук отурум уланууда.

Ага Матраимовдордун жактоочулары жана жогоруда аты аталган басылмалардын өкүлдөрү катышууда.

Сот отурумда видеого, сүрөткө тартууга тыюу салынды.

Матраимовдордун жактоочусу Карыжинская "24.kg" басылмасына коюлган доосун алышканын айтты. Матраимовдор фондунун өкүлү буга каршы эмес экенин айтты.

Ал эми "24.kg" сайтынын өкүлү арыз ошол бойдон калып, болгону моралдык зыян төлөөтүүдөн арыз ээси баш тартканын белгилеп, каршы эместигин айтты. Сот бул маселени кароо үчүн кеңешме залга кирип кетти.

Буга чейин "24.kg" жазган темасына далил жок экендиги боюнча материал жарыялары жазылган.