Кыргыз-Тажик чек ара маселеси. Тышкы иштер министри Чыңгыз Айдарбеков Тажикстан элчиси Назирмад Ализоданы кабыл алды

Тышкы иштер министри Чыңгыз Айдарбеков Тажикстандын Кыргыз өлкөсүндөгү жаңы элчиси Назирмад Ализоданы кабыл алды. Бул тууралуу министрликтин басма сөз кызматынан билдиришти.

"31-январь күнү тышкы иштер министри Чыңгыз Айдарбеков Тажикстан Республикасынын кайра дайындалган элчиси Назирмад Ализода менен жолугушту. Министр элчини дипломатиялык миссиясынын башталышы менен куттуктап, мындан аркы жемиштүү иштерине ийгиликтерди каалады. Тараптар Кыргыз-Тажик кызматташтыгынын актуалдуу маселелерин талкуулашты жана мындан аркы өз ара аракеттенүүнүн багыттарын белгилешти. Кыргыз-Тажик Мамлекеттик чек араны делимитациялоо жана демаркациялоо маселелери боюнча Кыргыз өлкөсү менен Тажикстандын ортосундагы сүйлөшүү процесстерине, ошондой эле 2020-жылга белгиленген иш-чараларга өзгөчө көӊүл бурулду", - деп жазылат маалыматта.