АКШ элчиси Кыргыз өлкөсүнө киргизилген визалык чектөөлөр тууралуу билдирүү таратты

АКШнын бир катар өлкөгө, анын катарында Кыргыз өлкөсүнө киргизген визалык чектөөсү тууралуу АКШнын Кыргыз өлкөсүндөгү ыйгарым укуктуу элчиси Дональд Лу билдирүү таратты.

"Бизге Кыргыз өлкөсүнүн жарандары үчүн АКШнын визалык чектөөлөрү тууралуу көп кайрылып жатышат. Бул толук чектөө эмес. Биз визаларды туристтерге, ишкерлерге, студенттерге жана жумушчуларга берүүнү уланта беребиз. Бул чектөөнүн негизинде бир да визаны жокко чыгарган жокпуз. Эгер сиз буга чейин виза алган болсоңуз, АКШга бара бересиз. Вашингтон визалардын эки категориясын берүүнү токтотууну чечти: иммигранттар үчүн жана бир катар өлкөлөр, алардын катарында Кыргыз өлкөсүнүн (грин-карт) виза лотереясынын катышуучулары үчүн. Биз бир нече убакыттан бери Кыргыз өлкөсүнүн өкмөтү менен кыргыз паспортторунун коргоо деңгээлин жогорулатуу, террорчулук тууралуу өкмөт аралык кошумча маалымат алмашуу боюнча сүйлөшүүлөрдү жүргүзүп келгенбиз. Бул чечим Кыргыз өлкөсүнүн аталган маанилүү кадамдардын ишке ашырылышын тездетүүгө багыттайт деп үмүттөнөбүз. Вашингтон маал-маалы менен бул максаттарга жетишүүдөгү өнүгүүгө көз салып турат. Андыктан бул чектөөлөр тез арада алынып салынат деп үмүт кылабыз", - деген элчи билдирүүсүндө.