Шотландияда койлордун жарышы болду

Шотландиянын Моффэт курорттук аймагында тарыхта экинчи жолу койлордун жарышы болду. Ага ондогон жандык катышып, күлүк койлор борбордук көчөнү баштан-аяк чуркап өтүштү. Кооздук үчүн ар бир койго жүндөн жасалган жумшак оюнчуктар тагылды. Жарыштын максаты - аталган курорттун аймагындагы эң күлүк койду аныктоо болгон жана ал ой ишке ашты. Жеңишти Уии Арчи аттуу тургундун кою багындырып, баалуу белектерди утуп алды. Иш-чаранын уюштуруучуларынын билдиришинче, койлордун жарышын Испаниянын Памплона шаарында өтчү букалардын жарышынын породиясы деп атоого болот. Муну менен бирге жергиликтүү фермерлерге колдоо көрсөтүү экенин да белгилешти алар.