Түштүк Корея бүгүн майрамдайт! "Паразиттер" тасмасы "Оскар" кино сыйлыгында мыкты деп табылды

Түштүк кореялык "Паразиттер" тасмасы "Оскар-2020" кино сыйлыгында 4 алтын статуэткага ээ болду.

"Паразиттер" тасмасы "Мыкты тасма", "Мыкты оригиналдуу сценарий", "Мыкты режиссёрлук иш" жана "Мыкты чет элдик тасма" номинацияларында "Оскар" сыйлыгына татыктуу болду.

"Мыкты тасма" сыйлыгына "Ford Ferrari`ге каршы", "Ирланддык", "Коён Жожо", "Жокер", "Кичинекей айымдар", "Нике окуясы", "1917", "Бир жолу Голливудда... " жана "Паразиттер" тасмалары талапкер болгон.

Белгилей өтсөк, "Паразиттер" тасмасы англис тилинде эмес тасмалардан биринчи жолу "Мыкты тасма" номинацияга ээ болуп жатат.

Бул жылы "Оскар" сыйлыгынын 92-сыйлоо аземи Лос-Анжелесте өттү.