Бишкек шаарында чакан эс алуучу жайлар курулууда

Улуу акын Калык Акиевдин эстелиги

Калык Акиевдин эстелигин кызыгуу менен карап жаткан шаар тургундары.

Бул жерге гүлдөр отургузуларын мэрия билдирди.

Таштандылар үчүн орнотулган үкөкчө.

Эс алуу үчүн атайын орундуктар бар.

Чүй-Калык Акиев көчөсүнүн кесилишинде эми кечкисин жарык болот.

Эс алуучулар

Айни-Манас көчөсүндөгү эс алуучу жай.

Айни-Манас көчөлөрүнүн кесилишине да жаңы орундуктар орнотулуп, чакан эс алуучу жай курулду.

"Байчечекей" дүкөнүнүн айланасына орундуктар коюлуп, элдер эс алышууда.

Бул жерге дагы таштанды ыргытуучу үкөктөр орнотулган.

Эс алуу жайына орнотулган көчө жарыктары.

Ыңгайлуулук түзүлүп, шаар тургундары сейилдеп жүрүшөт.

Бишкек шаардык мэриясы борбордо чакан эс алуучу жайлар курулуп жаткандыгын билдирди. Алардын бири Чүй проспекти менен Калык Акиев көчөсүнүн кесилишинде жайгашкан Калык Акиевдин эстелигинин айланасы. Эстеликтин тегерегине 5 орундук, 4 тышкы жарык берүү каражаты коюлуп, эс алууну каалагандарга ыңгайлуу шарттар түзүлүүдө. Жакын арада бул жер жашылдандырылат.

Ал эми Айни-Манас көчөлөрүнүн кесилишинде да эс алуу чакан аймагы уюштурулду. Аталган көчөдө жайгашкан “Байчечекей” соода комплексинин айланасы тазаланып, ирээтке келтирилди. Ал жерге 11 жаңы орундук, 4 жаңы тышкы жарык берүү каражаты, 9 жаңы таштанды үкөкчөлөрү орнотулган. “Жакынкы убакта чакан эс алуу аймагы жашылдандырылып, көрктөндүрүлөт. Соода борборунун айланасына гүлдөр үчүн идиштер орнотулуп, ага гүлдөр отургузулат жана көчө жарыктары орнотулат”,- деп билдиришти мэриядан.