Ош. Орусия бөлгөн 100 миллион сомдон Ош шаарындагы медициналык мекемелерди оңдоого 19 миллиону берилет

22-августта Ош шаарынын башчысы Мелис Мырзакматов жыйын өткөрдү. Анда, негизинен, шаарга келип жаткан гранттар тууралуу сөз болду. “Кыргызстандагы саламаттыкты сактоо тармагына Орусия 2013-жылга 100 миллион сом бөлгөн, анын ичинен Ош шаарына 19 миллион сом гана бөлүнөт”,- деди шаар башчы. Мэрия кабарлагандай, бул акчага аталган тармактагы мекемелер капиталдык оңдоодон өткөрүлөт.