ӨКМ: Кара-Көлдөгү автокырсыктан каза болгондордун аты-жөнү такталды

21-августта Кара-Көл шаарында болгон жол кырсыгынан 7 адам каза болуп, 1 адам жабыркады. 

Жабырлануучу Диларам Юсуржанова 36 жашта. Жалал-Абад облусунун Базар-Коргон районунун тургуну. Ал Кара-Көл шаардык ооруканасына жеткирилди.

Каза болгондор:

1. Вадиат Батиков, 63 жашта. Жалал-Абад облусунун Базар-Коргон районунун тургуну

2. Алтынай Руспиева , 42 жашта. Жалал-Абад облусунун Базар-Коргон районунун тургуну

3. Насипа Юсупжанова, 12 жашта. Жалал-Абад облусунун Базар-Коргон районунун тургуну

4. Элдияр Отобеков, 7 жашта. Жалал-Абад облусунун Базар-Коргон районунун тургуну

5. Айдар Миташов, 5 жашта. Жалал-Абад облусунун Базар-Коргон районунун тургуну 

6. Мээрим Миташова, 3 жашта.  Жалал-Абад облусунун Базар-Коргон районунун тургуну 

7. Махмут Артыкбаев, 36 жашта. Жалал-Абад облусунун Базар-Коргон районунун тургуну, унаанын айдоочусу. 

Автокырсык саат 22:00 чамасында болуп, Ош-Бишкек унаа жолунун 373-чакырымында Хонда унаасынын айдоочусу рулду башкара албай калып Кара-Суу дарыясына түшүп кеткени белгилүү болду. Каза болгондордон 4 адам милиция кызматкерлери тарабынан Кара-Көл шаардык ооруканасынын өлүк сактоочу жайына жеткирилген. Кырсык болгон жерге ӨКМдан 10 куткаруучу барып, унаадагыларды суудан чыгарышкан. Крандын жардамы менен унааны дарыядан чыгаруу учурунда ичинде калган 2 жаш баланын жана 1 аял кишинин сөөгү сууга агып кеткен. Караңгы кирип кеткендиктен сууга агып кеткен адамдарды издөө иштери жүргүзүлгөн эмес. 22-августта таңкы саат 05:00дө ӨКМнын 20 куткаруучусу тарабынан издөө иштери жүргүзүлүп баштады, бирок табыла элек. Бул боюнча ӨКМнын басма сөз кызматы кошумча маалыматтар бериле турганын билдирди.