Пекинден Алматы шаарына 171 Казак, 40 Кыргыз жараны учак менен келишти

Бүгүн Пекинден Казакстандын Алматы шаарына 211 жүргүнчүсү бар учак конду. Алардын арасында 40 Кыргыз жараны бар. Бул маалыматты Казакстандын Саламаттыкты сактоо министрлиги социалдык тармактагы расмий баракчасына таратты.

"Бүгүн, 13-февраль күнү Алматыга таңкы саат 07:00дө Пекинден 211 жүргүнчүсү бар учак келип конду. Бортто 171 Казак, 40 Кыргыз жараны болгон. Биздин мекендештерди текшерүү үчүн Алматыдагы ооруканага алып кетишти. Алар ооруканада 3 күн медициналык кароодон өтүп, коронавируска каршы лабораториялык анализ тапшырат. Эгер кандайдыр бир күмөн жаралса, ал жакта көбүрөөк убакытка кармалышат. Учурда бардык жүргүнчүлөрдүн абалы канааттандырарлык. Ал эми 40 Кыргыз жаранын Кыргыз өлкөсүнө жеткиришти", - деп жазылат маалыматта.