Вице-премьер Алтынай Өмүрбекова: "Кыргыз өлкөсүнүн аймагында коронавирус менен ооругандар катталган жок"

Коронавирустун өлкөгө киришин алдын алуу жана жайылышына жол бербөө боюнча бардык чаралар көрүлүүдө. Бул тууралуу вице-премьер-министр Алтынай Өмүрбекова Республикалык штабдын кезектеги отурумунда билдирди.

Анда Кыргыз өлкөсүнүн Кытайдагы элчилигинин маалыматына ылайык, 2020-жылдын 13-февралына карата Кыргыз жарандарынын арасында коронавирус менен ооругандар жок экени белгиленди.

“Бүгүнкү күндө өлкө аймагында коронавирус менен ооругандар катталган жок. Кыргыз өлкөсүнүн тышкы иштер министрлиги Кытай Эл Республикасындагы Кыргыз жарандарынын ден соолугун жана укугун коргоо боюнча иштерди жүргүзүүдө.

Бүгүн Пекин-Алматы аба каттамы Кыргыз өлкөсүнүн 40 студенти Бишкекке келди. Алар карантиндик зонага медициналык кароого жөнөтүлдү. Мамлекеттик чек арадагы бардык көзөмөл өткөрмө пункттары күчөтүлгөн тартипте иштеп, алдын алуу иштери үчүн керектүү чаралар көрүлүп жатат", - деп айтылат малыматта.