Бишкекте патрулдук милиция соода борборлордун биринен эки кыздын жоготуп алган апаларын таап берди

Бишкектеги соода борборлордун биринен апаларын таппай калган кыздар тууралуу маалымат кечээ, 15-февралда болжол менен саат 12:30 чамаларында Бишкек ШИИББинин нөөмөт кызматына келип түшкөн.

Тактап айтканда, "Дордой-Плаза" соода борборунун ичинде кичинекей кыздар апасын издеп жатат деген маалымат келип түшкөн. Айтылган дарекке Милициянын кайгуул кызматы барып, маалыматты тактаганда, 2017-жылы туулган М.Х. жана 2016-жылы туулган Т.Х. аттуу кичинекей кыздар апаларын издеп жүргөндүгүн айтышкан.

"Милициянын кайгуул кызматкерлеринин ыкчам издөө аракетинин натыйжасында эки саат аралыгында кыздардын апалары 1993-жылы туулган А.Б. жана 1992-жылы туулган М.Г. табылган. Кичинекей кыздарды Свердлов РИИБине алып келип, ошол жерден апаларына өткөрүп беришкен", - деди басма сөз кызматынан.