Бишкекте жеңил унаа үйдү сүзүп, андан ары каналга түшүп кетти. Айдоочунун апасы жана аялы ооруканага жеткирилди

Бишкекте жеңил унаа үйдү сүзүп, андан ары каналга түшүп кетти. Бул тууралуу патрулдук милициядан билдиришти.

Маалыматка ылайык, жол кырсыгы кечээ, 15-февралда болжол менен саат 23:30 чамаларында Чүй көчөсү менен Чолпон-Ата көчөлөрүнүн кесилишинде орун алган.

"1974-жылы туулган К.Т. аттуу айдоочу Nissan Primera үлгүсүндөгү унаасы менен Чолпон-Ата көчөсү менен түндүк тарапка бара жатып, унаа башкаруудан чыгып Чүй көчөсүндөгү батирди сүзүп, андан ары каналга түшүп кеткен. Натыйжада жүргүнчүлөр 1978-жылы туулган Б.А. жана 1937-жылы туулган И.К. Чүй облустук ооруканага жеткирилген. Алар айдоочунун аялы жана апасы болгон. Бул жол кырсыгы Кылмыштардын жана жоруктардын бирдиктүү реестрине катталып, териштирүү иштери жүрүүдө", - деп билдиришет басма сөз кызматынан.