Баткен облусундагы чек ара көйгөйүнө байланыштуу коомдук-саясий талкуу өтүүдө

Бүгүн, 17-февралда "Баткен облусундагы чек ара көйгөйү" аталышындагы коомдук-саясий талкуу өтүүдө.

Тегерек столго коомдук ишмерлер, жарандык активисттер жана жалпыга маалымдоо каржаттарынын өкүлдөрү катышууда. Тегерек столдун күн тартибине төмөнкү маселелер каралган:

1. Баткен облусундагы чек ара көйгөйлөрүн чечүү жолдору;

2. Чек арага чектеш жайгашкан аймактардагы чырлуу жерлердин абалы жана жарандардын коопсуздугу;

3. Чек ара көйгөйүн жөнгө салуучу Улуттук комиссия түзүүнүн зарылчылыгы;

4. Баткен облусундагы чек ара маселесине байланыштуу кармалган жарандарды бошотуу жана кысымга алууну токтотуу.

"Баткен облусундагы чек арага байланыштуу маселелерди чечүү улам артка жылган сайын, Лейлек району толугу менен Тажикстандын курчоосунда калып анклавка айлануу коркунучунда турат. Бул маселенин тегерегинде жалпы, улуттук ынтымакты көрсөтүп, президенттен баштап, ар бир жаранга чейин өз салымын кошуп, тез арада жигердүү киришип, бул көйгөйлүү маселеге чекит коюу учурдун негизги талабы", - дешет чек арага байланыштуу талкуунун катышуучулары.