Ош. Ленин чокусун багынтып рекорд койгон альпинист Ош шаарындагы Дене тарбия жана спорт комитетинде болду

Ош шаардык дене тарбия жана спорт комитетине 20-августта орусиялык альпинист Ренат Шафиков келип кетти. Шафиков быйыл июль айында Чоң-Алай районундагы бийиктиги 7000 метрдей болгон Ленин чокусун багынтып, аты "Гиннесстин рекорддор китебине" жазылган. Альпинист 25-июлдан 16-августка чейин деңиз деңгээлинен 6 900 метр бийиктиктеги Ленин чокусунда жашады. Бул тууралуу аталган комитеттин төрагасы Дүйшөн Төрөкулов бүгүн, 22-августта билдирди.