Супер-Инфо
super.kg видео
АФК Кубогу-2020: "Нефтчи" 1:0 эсеби менен жеңишке жетти (хронология)
Бүгүн, 19-февралда "Нефтчи" командасы АФК (Азия Футбол Конфедерациясы) Кубогунун плей-офф баскычына чыгуу үчүн тажикстандык "Худжанд" командасы менен кез келди. Бул оюн Жалал-Абад шаарындагы "Курманбек" стадионунда өттү.
Бул эки команданын жооптук беттеши 26-февралда Душанбе шаарынын борбордук стадионунда өтөт.
Оюн аягына чыкты. "Нефтчи" командасы өз үйүндө 1:0 эсеби менен жеңишке жетти.
"Худжанд" командасы бурчтан чыгарып берүүсү ийгиликтүү боло алган жок.
Негизги убакыт бүттү, калыс оюнга 3 мүнөт кошумча убакыт берди.
"Нефтчи" командасында алмашуу. Элдар Молдожунусовдун ордуна Умудилло Иминов оюн талаасына чыкты.
"Худжанд" командасында алмашуу. Бахтиёр Чориевдин ордуна Мирзонажодд Камрон оюн талаасына кирди.
Бурчтан чыгарып берүү орун алганы турат, топ "Нефтчи" командасында.
Стадионго 1 миң 100 көрүүчү келгени айтылды.
"Нефтчи" кооптуу чабуул уюштурду, топ дарбаза мамысына тийип кайтты.
Топ оюн талаасынын борбордук бөлүгүндө кармалууда.
Александр Игнатенконун алыстан узатылган соккусун "Худжанд" командасынын дарбазачысы тосуп кетти.
"Нефтчи" командасында алмашуу. Арген Жуматаевдин ордуна Аброр Кыдыралиев оюн талаасына чыкты.
Элдар Молдожунусовдун тепкен тобун "Худжанд" командасынын дарбазачысы тосту.
"Нефтчи" командасы арты-артынан чабуулдарды уюштурууда.
"Нефтчи" командасы топко көбүрөөк ээлик кылууда.
Оюн жанданып эки команда тең чабуулдарды уюштуруп жатышат.
Гоооол! "Нефтчинин" жарым коргоочусу Александр Игнатенко бурчтан чыгарып берген топту дарбазага таамай багыттады. Эсеп 1:0. "Нефтчи" командасы алдыга чыкты.
Бурчтан чыгарып берүү орун алат топ "Нефтчи командасында.
"Нефтчи" командасы коргонуу бөлүгүндө мыкты оюн көргөзүп жатышат.
"Худжанд" командасы өздөрүнүн жарым талаасында топко ээлик кылууда.
Эльдар Молдожунусовдун оң канаттан кирип барып узаткан соккусун "Худжанд" командасынын дарбазачысы оңой эле тосуп алды.
Оюндун экинчи бөлүгү башталды. Топту "Худжанд" командасы оюнга кошту.
Калыс ышкырыгын жаңыртты. Биринчи бөлүк аяктады. Командалар 15 мүнөттүк тыныгууга кетишти.
Негизги убакыт соңуна чыгып, калыс кошумча 1 мүнөт убакыт кошуп берди
Дарбаза сызыгынын ичинде "Худжанд" командасынын оюнчусу Сиродж Хамроевге каршы оюн эрежеси бузулду.
"Худжанд" командасы топко ээлик кылууда.
"Худжанд" командасынын чабуулчусу Андрей Сидоров башы менен сокку узатты. Бул соккуну дарбазачы Михаил Паюш оңой эле тосуп алды.
Топ талаанын борбордук бөлүгүндө кармалууда.
"Худжанд" командасы каршы чабуулга чыкты. Чабуулчу Дилшод Бозоровдун көтөрүп берген тобуна "Нефтчи" командасынын коргоочулары биринчи болуп жетишти.
"Худжанд" командасынын оюнчусу Манучехр Сафаровго каршы оюн эрежеси бузулду.
"Нефтчи" командасы арты артынан чабуул уюштурууда
"Нефтчи" командасынын оюнчусу Арген Жуматаевге каршы оюн эрежеси бузулду.
Александр Игнатенконун бурчтан чыгарып берүүсүн "Худжанд" командасынын коргоочулары алыстатты.
Бурчтан чыгарып берүү орун алат. Топто "Нефтчи" командасы.
73-катар санындагы "Худжанд" командасынын коргоочусу Алишер Баротовдун көтөрүп берген тобун дарбазачы Михаил Паюш оңой эле тосуп алды.
Стандарттык абал орун алды. Топто "Худжанд" командасы.
Эки команда тең топко бирдей ээлик кылууда.
Топту Нефтчи командасы оюнга кошот.
Калыс ышкырыгын жаңыртты. Топ "Нефтчи" командасында.
Эки команда оюн талаасына чыгышты.
"Нефтчи" командасы көк, "Худжанд" командасы кызыл түстө ойнойт.
кошулду
2
1 |