Сузакта аял менен эркек бири-бирине бычак сайган окуя. 21 жаштагы келин ооруканадан чыкты

Жалал-Абад облусунун Сузак районунда 21 жаштагы аял киши менен 35 жаштагы эркек бири-бирине бычак сайып жиберген окуя. Ооруканада жаткан келин эки күн мурун ооруканадан чыкты. Бул тууралуу SUPER.KG порталына Сузак аймактык ооруканасынан билдиришти.

Ал эми облустук милиция келин тергөөдө жабырлануучу катары өтүп жатканын билдирди.

Окуянын чоо-жайы:

Кырсык тууралуу маалымат нөөмөт бөлүмгө 7-февраль күнү болжол менен саат 10:00 чамасында "Тез жардам" кызматы тарабынан келип түшкөн. Анда Сузак районунун аймагында жайгашкан мейманканалардын биринде эркек менен аял киши бири-бирин бычактап, денелеринен жаракат алышкандыгы маалымдалган. Сузак РИИБинин тергөө-ыкчам тобу окуя болгон жерге барганда эркек менен аял киши бири-бирин бычактап, эс-учун жоготкон абалда жаткандыгы аныкталган. Алар "Тез жардам" менен райондук оорукананын жандандыруу бөлүмүнө жеткирилген. Тергөө иштеринин жүрүшүндө Сузак районунун 1984-жылы туулган тургуну Д.М. мейманканага 21 жаштагы айым менен келген. Ал мейманкананын администраторуна кызды аялым деп тааныштырган.