Күрөш боюнча Азия чемпиондугу: Кыргыз балбандары командалык эсепте 5-орунду камсыздашты

Индиянын Нью-Дели шаарында өткөн күрөш боюнча Азия чемпиондугунда кыргыз балбандары эркин күрөш боюнча 21 өлкөнүн ичинен 5-орунду камсыздашты. Бул тууралуу UWWнын (Дүйнөлүк Күрөш Уюму) расмий сайтына жарыяланды.

Бул турнирде эркин күрөш боюнча кыргыз балбандары 4 медаль (2 алтын, 2 коло) уткан. Мындай көрсөткүч менен эркин күрөш боюнча кыргыз курамасы жалпы 114 упай чогултуп, командалык эсепте бешинчи орунга жайгашышты.

Эркин күрөш боюнча Азия чемпиондугунда командалык эсепте алдыңкы бештикке кирген өлкөлөр:

1. Иран - (168 упай);

2. Индия - (159 упай);

3. Казакстан - (146 упай);

4. Япония - (140 упай);

5. Кыргыз өлкөсү - (114 упай).