"ЭЛДИК КАБАРга" жооп: Эмгек жана социалдык өнүктүрүү министрлиги: "Сүйүнчү пул эки күндө берилиши керек"

Буга чейин "Элдик кабар" бөлүмүнө "Сүйүнчү пулду эки айдан бери ала албай жатабыз" деп окурман нааразычылыгын айтып кайрылган. Эмгек жана социалдык өнүктүрүү министрлигинин басма сөз кызматынан "сүйүнчү пул 2 күндө берилиши керек" деп жооп берди.

"Арыз жазган жарандын 2 айга жакын аралыкта сүйүнчү пулду албай калганы кызык. Эмгек жана социалдык өнүктүрүү министрлигинде акча жок деген маселе болбойт. Башында ооба, 3-4 айга чейин ала албай, арыздангандар көп болду. Азыр сүйүнчү пулду алуунун оңой жолун иштеп чыкканбыз. Жарандар ЗАГС, калкты тейлөө борборуна барып балага туулгандыгы тууралуу күбөлүк аларда эле дароо сүйүнчү пул алам деп арыз калтырат. Арыз бизге 1 саатка жетпей келип, Калкты тейлөө борборундагы базага түшөт. Базага түшкөн соң акча жарандын транзиттик эсебине түшөт да телефонуна "сиздин эсебиңизге акча түштү" деген билдирүү келет. Сүйүнчү пулду эки күндө гана алса болот", - дейт министрликтен.