Кыргызстандык спортчу Азия оюндарында сууда сүзүү боюнча 4-орунду ээледи

Кыргызстандык Станислав Карнаухов өспүрүмдөр арасындагы Азия оюндарында сууда сүзүү боюнча 4-орунду алды. Мелдеш Кытайдын Нанкин шаарында өтүп жатат. Мелдештин расмий сайты кабарлагандай, 22-августта мекендешибиз 50 метр аралыкты 24,03 секундда сүзүп өттү. Жеңүүчүдөн 0,94 секунд кечирээк келди. Мындан сырткары Карнаухов жарым финалда 100 метр аралыкка жарышып, анда биринчи орунду багынтты (52,14 секунд).