Башкы прокуратура Кой-Таш окуясы боюнча кылмыш ишинен өтүп жаткандарга айып актыларын тапшырды

Бүгүн, 25-февралда Башкы прокуратура Кой-Таш окуясы боюнча кылмыш ишинен өтүп жаткандарга айып актыларын тапшырды. Бул тууралуу КСДПнын өкүлү Кундуз Жолдубаева билдирди.

"Башкы прокурор Өткүрбек Жамшитов 491 беттен турган айыптоо корутундусун бекитти. Бул Кой-Таш окуясына тиешелүү болгон бийликтин акыркы расмий жоромолу экенин эске сала кетели. Тергөөнүн ачык эле бир тараптуу болуп жаткандыгына жана далилдөө базасынын жоктугуна байланыштуу айыпталуучулар бул айыптоо актысын "Шахрезаданын жомоктору" деп аташкан. Бардык айыптоолор оозеки баяндамалардын негизинде түзүлгөн", - деп айткан билдирүүсүндө Жолдубаева.

Иш боюнча айыпталуучулардын тизмеси:

1. Алмазбек Атамбаев;

2. Фарид Ниязов;

3. Равшан Жээнбеков;

4. Ирина Карамушкина;

5. Асел Кодуранова;

6. Кундуз Жолдубаева;

7. Канат Сагымбаев;

8. Мээрбек Мискенбаев;

9. Фархат Баабиев;

10. Канат Осмоналиев;

11. Рыспек Карыпбек уулу;

12. Марат Шаменов;

13. Нооруз Капарбек уулу;

14. Асангелди Какебаев.

Маалым болгондой, тергөө менен кызматташууга баргандар үчүн өзүнчө өндүрүш иши бөлүнгөн.