Депутат Конституциялык палатанын судьялыгына талапкерлерден парламентке өтүү үчүн босоголук чектин 9 пайыз болгону боюнча пикирлерин сурады

Бүгүн, 26-февралда Жогорку Кеңештин жыйынында депутат Бакирдин Субанбеков Конституциялык палатанын судьялыгына талапкерлерден парламентке өтүү үчүн босоголук чектин 9 пайыз болгону боюнча пикирлерин сурады.

Талапкер Мээргүл Борбукеева: "Конституциялык палатанын судьялары мыйзамдын чеги Конституцияга ылайык келеби же келбейби деп карайт да. Мыйзам бизге келип калышы мүмкүн, бул боюнча оюбузду айта албайбыз", - деди.

Калган талапкерлер Борбукееванын пикирин колдой турганын айтышты.

Учурда парламент жыйынында Жогорку Соттун Конституциялык палатасынын судьялыгына сунушталган Мукамбет Касымалиевдин, Мээргүл Борбукееванын, Латип Жумабаевдин талапкерлиги каралып жатат.