Италияда коронавирустан каза болгондордун саны 12ге жетти

Италияда коронавирустан каза болгондордун саны 12ге жетти. Ал эми аны жуктуруп алгандардын саны 374 адамды түздү. Бул тууралуу чет элдик басылмалар жазышууда.

"Коронавирус өлкөнүн 9 аймагына тарады. Вируска кабылгандардын көпчүлүгү (240 киши) түндүк Ломбардия аймагынан. Өлкөнүн 5 облусундагы музей, театр, кинотеатр, спорттук зал жана башка коомдук мекемелер жабылды. Ошондой эле ар кандай иш-чаралар, спорттук мелдештер да убактылуу токтотулду. Ал эми күтүлүп жаткан футбол боюнча улуттук чемпиондук беттеш көрүүчүлөрсүз өтө турган болду", - деп жазылат маалыматта.

26-февралга карата Кытайда коронавирустан 2 миң 760 киши каза болсо, 80 миң 994 киши вирусту жуктуруп алгандыгы маалымдалган. Дүйнөлүк саламаттыкты сактоо уюму расмий түрдө 2019-nCOV деп атаган вирус учурда Иран, Таиланд, Япония, Вьетнам, Сингапур, Малайзия, Түштүк Корея, Франция, Непал, АКШ, Австралияда катталды.