Жогорку Кеңеш электрондук документ менен иштөөгө өтүүдө

Жогорку Кеңеште Электрондук документ жүгүртүү тутуму (ЭДЖТ) киргизилип жатат.

ЭДЖТ – парламенттин ишин ачык жүргүзүүгө  жол ачат жана түзүмдүк бөлүмдөр менен аткаруучулардын документтерди жүгүртүү, жарандардын кайрылууларына жооп берүүнү да тездете турганын ЖКнын маалымат кызматы билдирет. Белгилүү болгондой, Жогорку Кеңештин жылдык документ жүгүртүү көлөмү 100 миңден ашуун документти түзөт. ЭДЖТ убакытты үнөмдөөдөн сырткары, кагаз түрүндө документтерди даярдоо жана жүгүртүү чыгымдарын да кыскартат.