Тажикстанда лөлүлөр жана цыгандар парламенттик шайлоого катышууга чакыруу алышты

Тажикстандын Варзоб районундагы Шодоб-1 айылында жашаган лөлүлөр жана цыгандар парламенттик шайлоого катышууга чакыруу алышты. Бул тууралуу тажик басылмалары жазышат.

Жергиликтүү тургундар чакыруу алганы менен бир дагы талапкерди тааныбай тургандарын айтышкан.

“Аталган айылда 200гө жакын үй-бүлө жашайт. Ал жакта лөлүлөр менен цыгандар жашап, бул кыштакта жумушсуздук күч алып, жолдор начар жана таштанды маселеси курч экенин билдиришкен. Бирок алардын айылына шайлоого катышып жаткан талапкерлер келе элек экени белгилүү. Жашоочулар айылдагы социалдык көйгөйлөр тууралуу элдин үнүн бийликке жеткирүү үчүн депутат болом дегендерди күтүп жатышканын айтышат. Ошондой эле тургундардын саясий партиялар боюнча дагы маалыматы жок”, - деп айтылат маалыматта.

Маалым болгондой, Тажикстанга лөлүлөр 1970-жылдын башында эле отурукташа башташкан. Буга чейин Бириккен Улуттар Уюму лөлүлөрдүн социалдык абалын жакшыртуу үчүн өзүнчө программа иштелип чыкпаганы үчүн тажик бийлигин сынга алган.