"Ар бирибиз мусулманбыз, сүрөткө тартпачы, байке" деген 1-класстын окуучусунун видеосу талкууга түштү (видео)

"Байке, телефонго тартпагыла, бул жакта баарыбыз мусулманбыз" деген биринчи класстын окуучусу социалдык тармактын колдонуучуларын күлкүгө салып, талкууга түштү.

Видеодо окуучу балдар чогулуп, лимонад суусундугун ичип жатканын көрүүгө болот. Тартып жаткан адам алардан канчанчы класс экенин сураганда "Биринчи класс, классташ болобуз" деп жооп беришкен. Арасынан бир бала байкесинен телефонго жөн эле тарта бербей, карызын төлөп коюусун суранган. "Тигил жактан 20 сомго дюшес алгам" деп окуучу тартып жаткан кишини күлкүгө салган. Колдонуучулар видеону талкууга алып көпчүлүгү баланын сөзү күлкү жаратканын билдиришсе, айрымдары "келечек муунга туура жол көрсөтүш керек" деген пикирлерин калтырышкан.