"Жин, шайтандарды коркутуп коюу үчүн". Индияда бир жаштагы баланы итке үйлөндүрүштү

Индияда бир жаштагы баланы итке үйлөндүрүштү. Бул тууралуу чет элдик маалымат булактары жазып, сантал уруусунда ушундай ырым бар экенин белгилешкен.

Маалыматта жазылгандай, Индия элиндеги сантал уруусунда наристенин биринчи үстүңкү тиши чыкса ага жин, шайтандар кирип кетиши мүмкүн деген ишеним бар. Мындан улам жиндерди коркутуп, кетирип салуу үчүн итке үйлөндүрүү ырымы жасалат.

"Мындай учурда бала эр жеткенде кадимкидей эле үйлөнүп, үй-бүлө күтөт. Бул болгону ырым-жырым. Наристеге ата-энеси улуттук кийимдерди кийгизип, итти да кооздоп алардын үйлөнүү тоюн белгилешкен. Ага келген коноктор эми шайтандар, жиндер баланын тынчын албайт деп кубанып, бийлеп, көңүл ачышкан. Бул ырым-жырымдын жасалып жаткандагы видеосу 23-февралда тартылып, интернетке тараган", - деп жазылат маалыматта.