Өзгөчө болом деп... Көзүнүн агына татуировка жасатам деген модель көрбөй калды

Польшалык модель Александра Садовски көзүнүн агын кара түскө боётом деп көрбөй калды. Бул тууралуу чет элдик басылмалар жазып чыгышты.

25 жаштагы Александра Садовски 4 жыл мурун көзүнүн агын рэп аткаруучу Попектен таасирленип кара түскө боётууну чечкен. Ал кайрылган татуировка жасаган мастер мурун мындай өзгөчө процедура кылбагандыктан, кыздын көзүнө териге колдончу татуировка боёгун сепкен. Александра көзүнүн ооруганын айтып арызданса, татуировкачы бул нормалдуу көрүнүш, ооруну басаңдатуучу дары ичип тур деген кеңешин берген. 4 жыл аралыгында Садовскинин оң көзү көрбөй, кийинчерээк сол көзү начарлап баштаган. Дарыгерлердин айтымында, ийгиликсиз жүргүзүлгөн процедурадан соң кыздын көрүүсүн калыбына келтирүү мүмкүн эмес жана ал мындан кийин толугу менен сокур болуп калышы мүмкүн.

Көп жылдан бери келаткан сот иштери жыйынтыкталуу алдында турат. Татуировкачы адамдын денесине байкабастан залака келтирип алган деген жүйө менен 3 жылга кесилүүсү күтүлүүдө. Бирок татуировкачы күнөөсүн моюнуна албай келет.