Милиция кызматкерлери 2-мартта митингге чыкпагыла деп тургундардан суранып жатышабы? Чүй ОИИББи жооп берет

Фейсбук социалдык тармагынын колдонуучусу өзүнүн жеке баракчасына Чүй облусунун Аламүдүн РИИБинин кызматкерлери Аламүдүн, Кой-Таш жана Чүй облусунун тургундарын массалык түрдө райондук ички иштер бөлүмүнө алып келип, 2-март күнү боло турган митингге чыкпагыла деп суранып жатканын жазып чыккан.

Бул боюнча Чүй ОИИББи төмөнкүлөрдү маалымдайт.

"Жогорудагы айтылган маалымат чындыкка дал келбейт. Себеби азыркы учурда Аламүдүн РИИБи гана эмес, республиканын бардык аймагында ири масштабдуу ыкчам алдын алуу иш-чаралары жүргүзүлүп жатат. Иш-чаранын максаты, көчөлөрдө, коомдук жайларда тартипти жана мыйзамдуулукту, кылмыш иштерин жасап качып кеткен адамдарды кармоо, уурдалган буюмдарды табуу, кылмыш иштердин бетин ачуу, каттоодо турган адамдар сүйлөшүү үчүн РИИБге чакырылууда. Мындан улам Чүй ОИИББи ыкчам иш-чараларды жарандар түшүнүү менен кабыл алууну суранат", - деп жазылат маалыматта.