Коронавирус чиновниктерди кучагына алды. Иранда 4 депутат коронавируска кабылганы аныкталды

Иранда 4 депутат коронавирус жуктурганы аныкталды. Бул тууралуу чет элдик басылмалар жазып чыгышты.

Иран мажлисинин 290 депутатынын 30у текшерүүдөн өтүп, 4 депутаттын коронавирус жуктурганы маалым болду. Бул тууралуу Иран парламентинин президиумунун мүчөсү Мухаммед Али Вакили социалдык баракчасына жазып чыкты. "Жалпысынан 30 депутат коронавируска карата текшерүүдөн өткөн. Алардын арасынан COVID-19 аталган коронавирусту 4 депутат жуктурганы аныкталды", - деп билдирген Вакили. Ошондой эле коронавирустун жайылуусунан улам мажлис кийинки жума коомдук уктурууну токтотуп турарын айткан.

Эске салсак, буга чейин вирус жуктургандардын арасында Ирандын үй-бүлө жана аялдар иштери боюнча вице-президенти Масуме Эбтекар бар экендиги аныкталган.
Ирандын Саламаттыкты сактоо министрлигинин берген акыркы маалыматына ылайык, өлкөдө коронавирус жуктургандардын саны 388ге жетип, 34 киши каза болду.