Жогорку Сотко Курманбек Жороевдин талапкерлиги кайрадан көрсөтүлөт

Бүгүн Жогорку Соттун судьяларды тандоо кеңеши Курманбек Жороевдин талапкерлигин президент Алмазбек Атамбаевге кайрадан сунуштоо чечимин кабыл алганын аталган кеңешинин басма сөз кызматы билдирди. Эске салсак, Алмазбек Атамбаев Курманбек Жороевдин талапкерлиги тууралуу материалды карап чыгып, вето койгон эле. Бирок кеңеш өлкө башчынын каршылыгына эч кандай далил таппагандыктан, Алмазбек Атамбаевге кайрадан сунуштамай болду. Ошентип, Курманбек Жороевдин талапкерлиги КРнын Жогорку Сотунун судьялыгына бекитилиши үчүн президентке кайрадан сунушталат.