Жаш ишкерлер ассоциациясынын мүчөлөрү Стамбул шаарында өтүп жаткан ири саммитке катышууда

Жаш ишкерлер ассоциациясынын (ЖИА) 15 мүчөсү  Түркиянын Стамбул шаарында 26-ноябрдан 30-ноябрга чейин уюштурулуп жаткан кийим, текстиль, териден жасалган өнүмдөр жана тиешелүү жабдуулар боюнча дүйнөгө белгилүү болгон “2012: Түркия-Дүйнө мамлекеттери тышкы соода көпүрөсү” саммитине катышууда. Иш-чарада кыргыз ишкерлери эки тараптуу жолугушууларды өткөзүп, өнөктөш таап, иш келишимдерине кол коюулары күтүлүүдө. Бизге маалым болгондой, иш-чарага дүйнө жүзүнөн 1000ден ашуун текстиль тармагында иштеген  компаниялар, 160 Түркия компанияларынын экспонаттары жана Түркиядан 1500 катышуучу катышып жатышат.