Бала бакчадагы майрам учурунда кичинекей кыздын колунан оюнчукту жулуп алган аял талкууга түштү (видео)

Бала бакчадагы майрам учурунда кичинекей кыздын колунан оюнчукту жулуп алган аял талкууга түштү. Бул тууралуу видео социалдык тармактарга тарап кетти.

Бул окуя бала бакчадагы майрамдык иш-чара учурунда тартылганы көрүнүп турат. Анда музыканын коштоосунда бийлеп жаткан кичинекей балдарды көрүүгө болот. Тарбиячы ар бир балага бирден оюнчук таратып берген. Бир маалда ата-энелер турган жактан бир аял чыгып, кичинекей кыздын колунан ал кармап турган оюнчугун жулуп алып, аны кайрадан башка кыздын колуна карматкан.

Бул көрүнүш социалдык тармактын колдонуучуларынын кыжырын келтирген. Алар "Эжекесине айтса да башка оюнчукту бермек го кызына", "Анан эле мугалим күнөөлүү....", "Баракелде! Эртең кызы өзүнөн ошентип жулуп алат. Себеби тарбия ошондой!", "Тилекке каршы, тарбиясыз ата-энелер көбөйдү" деген сыяктуу түрдүү сын-пикирлерди жазып калтырышкан.

Окуя качан жана кайсы бала бакчада орун алганы белгисиз.