Супер-Инфо
super.kg видео
Жактоочу: "Канат Сагымбаевдин иши жарандардан турган сот тарабынан каралуусу зарыл"
Мурдагы президент Алмазбек Атамбаевдин жан сакчысы Канат Сагымбаевдин иши жарандардан турган сот тарабынан каралуусу зарыл. Бул тууралуу бүгүн, 5-мартта жактоочу Замир Жоошев Кой-Таш окуясы боюнча алдын ала угууда сотко өтүнмө кылганын SUPER.KG порталына билдирди.
Жактоочунун айтымында, Конституциянын 26-беренесине ылайык, ар бир адам мыйзамда каралган учурларда сот арачыларынын катышуусу менен ишти сотто каратууга укуктуу.
"Жазык-процессуалдык кодекстин 263-беренесинде: "Райондор аралык соттор "Адам өлтүрүү" статьясы боюнча козголгон кылмыш иштерин сот арачыларынын катышуусу менен карайт" деп көрсөтүлгөн.
Мындан улам бүгүнкү соттук отурумда мен Кылмыш-жаза кодекстин “адам өлтүрүү” жана “адам өлтүрүүгө далалат жасоо” беренелери боюнча айыпталып жаткан Канат Сагымбаевдин кылмыш иши сот арачыларынын катышуусу менен каралсын деген өтүнүч келтирдим.
Бирок судья Марат Сыдыков бул өтүнүчүмдү карамак турмай, укпай дагы койду. Муну менен ал Канат Сагымбаевдин жана менин жактоочулук укуктарымды одоно түрдө бузду деп эсептейм. Мына ошого байланыштуу мен судьяга ишенбөөчүлүк жарыяладым. Бирок сот Марат Сыдыков кеңешүүдөн келгенден кийин судьяга ишенбөөчүлүк жарыялоого негиз жок, ошондуктан аны канааттандырбайм деген тыянакка келди", - дейт жактоочу Жоошев.
0
1 |