Түрк парламентинде депутаттар мушташты

Түрк парламентинин жыйыны учурунда депутаттардын ортосундагы пикир келишпестиктен улам чыр чыкты. Бул тууралуу дүйнөлүк басылмалар жазып чыгышты.

Анда жазылган маалыматка ылайык, чыр оппозициялык "Элдик-республикалык" фракциясынын жетекчисинин орун басары Энгин Өзкочтун Түркиянын президенти Режеп Тайып Эрдогандын дарегине карата айтылган айыптоо сөзү үчүн чыккан. Анда ал өлкө башчысын Сириянын президенти Башар Асад менен Идлибдеге абал боюнча сүйлөшүү жүргүзө баштаганын сындап, саткын деген.

Мындан сырткары депутат каза болгон түрк аскерлери жөнүндө айтып жатып, Эрдогандын дарегине орой сын айткан. Бул учурда Эрдоган жетектеген "Чындык жана өнүгүү" партиясынын депутаттары Түркия президентин айыптоо пикирине каршы чыгышкан.

Мындай сөздөр "Чындык жана өнүгүү" партиясынын депутаттарын тез кыймыл жасоого мажбур кылып, массалык урушка алып келген. Ошентип эки партиянын депутаттарынын ортосундагы чырдан улам парламент жыйыны үзгүлтүккө учураган.