Супер-Инфо
super.kg видео
ЭЛДИК КАБАР: "Тажикстанда коронавирус чыкты" деген маалымат тарап, Лейлек районунун Арка, Жаңы-Жер айылдарында азык-түлүк тартыштыгы жаралууда" дейт окурман
"Лейлек районунун Арка, Жаңы-Жер, Достук айылдарында азык-түлүк тартыштыгы жаралууда. Тажикстанда коронавирус чыгыптыр деген маалымат тарап, эл кечээ 1 күндүн ичинде май, ун сыяктуу азыктарды талап кетишиптир", - деген окурман маалыматты "ЭЛДИК КАБАРГА" билдирди.
"Биз тажиктер менен канатташ жашаганыбызды баарыңар эле билесиңер. Жолдун наркы өйүзү Тажикстан, берки өйүзү биздин өлкө. Тиричилигибиз дагы бир, дүкөндөрдүн көбү тажиктердики ошондой эле акча жүгүртүүдө да сомони (ред. Тажик акча бирдиги) колдонобуз. Кечээ Жаңы-Жер айылында электр жарыгы өчүрүлүп, телефон байланышы жок болгон. Көчөгө чыкпай үйдө отургандар укпаптырбыз, көрсө Тажикстанга коронавирус келди деген маалымат тарап, карантин абалы жаралып калса ачка калбайлы деген ойдо элдин баары дүкөндөрдөгү азык-түлүктөрдү талап кетишиптир. Айрыкча май, ун, макарон азыктары көп сатылып кетип, калбай калган. Дүкөндөрдөн таппай жатабыз", - деди окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |