Американын тургуну жасалма гүлдү сугарып жүргөнүн эки жылдан кийин билген

АКШнын Калифорния штатынын Кейли Уилкс аттуу тургуну эки жыл бою жасалма гүлдү билбей сугарып жүргөн. Бул тууралуу ал социалдык тармактагы баракчасына жазып чыккан.

"Бул эхеверия гүлү менин ашканамдын терезесинде 2 жыл турду. Ал идеалдуу өсүмдүк болчу, аны менен сыймыктанчумун. График менен суу куюп, өзүмдөн башка эч кимди жолотчу эмесмин. Анткени гүлгө жакшы камкордук болуп жатканына ишеним болсун дегем", - деп жазган Кейли.

Эки жылдан соң Кейли гүлдү башка идишке которууну ойлоп, жаңы идиш сатып алган. Гүлдү котороюн деген маалда анын жасалма экенин билген. "Эки жыл бою мен ушундай калп менен жашаптырмын" деген америкалык тургун. Анын окуясы басылмаларга тарап кеткен соң аны колдоо максатында көпчүлүк табигый гүлдөрдү жөнөтүшкөн. Уилкс 2 жыл сүйүп, суу куюп баккан гүлүн да ыргытпай, мурункудай сүйүп карай берерин билдирген.