Өкмөт: "7-мартка карата Кыргыз өлкөсүндө коронавирус жок"

7-мартка карата Кыргыз өлкөсүндө коронавирус жок, эпидемиологиялык кырдаал туруктуу. Бул тууралуу өкмөттүн басма сөз кызматынан билдиришти.

Башка мамлекеттердин аймагында жүргөн Кыргыз жарандарынын арасында коронавирус менен ооругандар жок. Бул тууралуу коронавирус инфекциясынын өлкө аймагына кирүүсүн алдын алуу жана жайылышына жол бербөө боюнча республикалык штабдын кезектеги жыйынында айтылды.

Дүйнөдөгү жагдайды эске алуу менен медицина кызматкерлери, эпидемиологдор, санитардык дарыгерлер, "Тез жардам" жана башка ыкчам кызматтардын кызматкерлери күнү-түнү нөөмөт менен иштөөдө.

"Талас облусундагы ооруканага коронавирус менен ооруган чет элдик жаран жаткырылганы тууралуу маалымат чындыкка дал келбейт. Ал эми мындай билдирүүнү Талас облусунун Манас районунун тургуну таратканы аныкталды", - деп жазылат маалыматта.