"Мени аялдыкка алыңызчы". Путинге Иваново шаарында жашаган кыздан сунуш түштү

Орусиянын президенти Владимир Путинге Иваново шаарынан ага турмушка чыккысы келген кыз үйлөнүүнү сунуштады. Бул тууралуу чет элдик басылмалар жазып чыгышты.

Маалыматка ылайык, президент балдар ооруканасы менен таанышып чыгып, шаар тургундары менен сүйлөшүп туруп калган. Ошол убакта элдин арасынан бир кыз келип "мени аялдыкка алыңызчы" деп айткан. Ага Путин "Жакшы сунуш экен. Рахмат. Атыңыз ким?" деп сураган.

Андан кийин Путин кийинки иш-чарасында ага турмушка чыгуу сунушун айткан кыз тууралуу айтып, "Иваново колуктулардын шаары. Мен да тиешелүү сунушту алдым", - деген.