Италия өкмөтү коронавируска каршы күрөшүү үчүн Кытайдан жардам сурады

Учурда Италия өлкөсү вирусту жуктуруп алгандардын саны боюнча Европа өлкөлөрүнүн сап башына чыкты. Анда 10 миң 149 адам жабыркаса, 631 жаран каза болгон. Инфекция тез таралып жаткандыгына байланыштуу өлкөдө медициналык товарлардын жетишсиздигинен улам Италия өкмөтү Кытайдан көмөк сурап кайрылды. Бул жөнүндө дүйнөлүк басылмалар жазышууда.

Ага ылайык, мындай өтүнүчтү Италиянын премьер-министри Луиджи Ди Майо Кытайдын тышкы иштер министри Ван И менен телефон аркылуу сүйлөшүүдө билдирген.

"Италиядагы эпидемиологиялык абал учурда оор. Өлкөбүз Кытайдын эпидемияга каршы күрөшүү тажрыйбалары менен тыкыр таанышып, үйрөнүп жаткан кезибиз. Италияда медициналык товарлардын жана жабдыктардын жетишсиздигинен көйгөй жаралууда. Бул жаатта Кытай өлкөсү көмөктөшөрүнө ишенип турабыз", - деген Италиянын премьер-министри.