Нариман Түлеев боюнча сот иши 30-ноябрда башталарын Башкы прокуратуранын өкүлү билдирди

30-ноябрь күнү Ленин райондук сотунда депутат Нариман Түлеев боюнча сот иши башталат. Бул тууралуу бүгүн Башкы прокуратуранын өкүлү Жаныбек Салиев маалымдады. Жаныбек мырза Түлеев мэр болуп турган учурда Кытайдан автобустарды сатып алууда коррупциялык иштер болгону белгилүү болду. Түлеевден сырткары мэриянын башка тармагында иштеген 5 адамды да кылмыш жоопкерчилигине тартуу маселеси каралып жатканын айтты. Ошондой эле Түлеевдин коррупциялык иштеринен улам мамлекет 104 миллион 302 миң  583 сом зыян тартканын кошумчалады.