Ырчылар Аваз Акимов жана Айдана Дека 3 жакшылыкты бириктирип той беришти

Бүгүн, 11-март күнү ырчы Аваз Акимов 3 жакшылыгын бириктирип, Бишкектеги тойканалардын биринде той берди. Ырчы мырза SUPER.KG порталына бүгүнкү жоопкерчиликтүү күнгө көптөн бери даярданып жүргөнүн айтты.

"Бүгүн 3 жакшылыгыбызды бириктирип элге той берип жатабыз. Үй той, кызыбыз Ариананын жентек тою жана менин 30 жаш юбилейим. Айдана экөөбүз бул күндү көптөн бери күтүп, даярданып келгенбиз. Баарын бир өткөрөм деп туулган күнүмдү да белгилеген эмесмин", - дейт Аваз.

Аваз менен Айдананын үй-бүлө катары түптөлгөндөгү биринчи жакшылыгына көп коноктор чакырылган. Коноктордун басымдуу бөлүгүн, ырчылардын кесиптештери ээлешти. Ырчылар Алтынай Нарбаева, Кенже Дүйшеева, Сема, Анжелика, Алмаз Шаадаев, Данияр Эрматов жубайы Айсалкын менен, Нурмат Садыров, Илгиз Абдалиев жана башкалар бүгүнкү тойго күбө болушууда.