Алып баруучу Канышай Рысбекова жолдошу менен ажырашканын ачыктады

Алып баруучу, журналист Канышай Рысбекова жолдошу менен эки ажырым жолго түшкөнүн ачыктады. Айтымында, ал кош бойлуулуктун экинчи айында жолдошу менен ажырашкан. Жеке жашоосундагы окуяны коомго айтууга окурмандардан келген көптөгөн суроолор себеп болду дейт аны менен байланышканыбызда.

"Ажырашуу темасын жолдошум көтөрүп "балаңды төрөсөң төрө, төрөбөсөң кой" деген тандоо койгон. Мен баламды сактап калууну тандадым. "Жардам береби? Баласын жакшы көрөбү?" дегендерге жооп, анча-мынча акчалай жардам берет, кээде жок, баласына 1-2 айда 5-10 мүнөт көргөнгө убакыт табат. Ага таарынычым жок, болгону бакыт каалайм!" - деди.

Алып баруучу баласынын бактылуу келечеги үчүн баарын жасаганга даяр экенин кошумчалап, "буюрса, бизде баары жакшы болот" деп кошумчалады.

Канышай Рысбекова 2017-жылдын 30-ноябрында Нурлан аттуу мырзага турмушка чыгып, 1-декабрь күнү мыйзамдуу түрдө никеге турушкан. Ал эми 12-декабрда борбордогу тойканалардын биринен заманбап үйлөнүү тоюн өткөрүшкөн.