Ырчы Чолпон Талипбектин сиңдиси келин болду

Ырчы Чолпон Талипбектин эгиз сиңдилеринин бири турмуш жолуна аттанды. Тагыраагы, модель, "Таиланддагы каникулда", "Гу Чжун Пёго кантип турмушка чыгууга болот?" тасмаларында роль жараткан Медина Талипбек сүйүктүүсүнө турмушка чыкты. Учурда АКШнын Чикаго шаарында окуп жаткан Медина айым үлпөт той Кыргыз өлкөсүндө болорун айтат.

"Менин жолдошумдун аты Аскат. Экөөбүз Инстаграм аркылуу таанышып, 1 жылдан ашуун кыз-жигит болуп жүрдүк. Аскат көп жылдан бери АКШда жашайт. Менин бул жакка келгениме жарым жыл болуп калды. Бир апта мурда Аскаттын ата-энеси АКШга келишип, бизге батасын беришти. Кыргыздын салты менен кайненем мага сөйкөсүн, ак жолугун салды. Жолдошумдун ата-энеси таятам, апам менен видеобайланыш аркылуу таанышты. Таятам менен апам дагы бизге батасын беришти. Буюрса, үлпөт тоюбузду күз мезгилинде Кыргыз өлкөсүндө өткөрөлү деп жатабыз", - дейт ал.