Канча жаш бересиз? 60ка таяп калган британиялык мырза жаштыгынын сырын ачты

56 жаштагы британиялык Энди Уилкинсондун 3 кызы, 7 небереси бар. Бирок аны көргөндөр 30 жашты араң беришет. Бул тууралуу чет элдик басылмалар жазып чыгышты.

Энди жаш көрүнүүсүнүн негизги сыры катары генин эсептейт. Ага кошумча Энди 5 жыл мурун жеке ишкерлигин таштап, спорт менен машыгууга киришкен. Кийинчерээк фитнес-машыктыруучу катары спорт залга жумушка орношкон. Үзгүлтүксүз спорт менен машыгуу менен токтолуп калбай, зыяндуу тамактардан, ичимдиктерден толугу менен баш тарткан. "Мен көп нерсеге нервимди коротпойм. Бүгүнкү күн менен гана жашап, жаман нерселерди ойлобойм" деген Уилкинсон. Эндинин 3 кызы, 7 небереси болсо да, бейтааныштар аны 30 жаштагы мырзадай кабыл алышат. "Көпчүлүккө 7 небереси бар таята экенимди айтсам ишенбейт. Социалдык тармак аркылуу таанышкысы келген кыздар да көп", - дейт Энди.

.