Ырчы Асел Кадырбекова сулуулук салонун ачты. "Салон ачуу менин бала кезимден бери келаткан кыялым" дейт ал

Бүгүн, 12-март күнү ырчы Асел Кадырбекова сулуулук салонун ачты. Жаңы баштап жаткан иши тууралуу ырчы айым SUPER.KG порталына төмөнкүлөрдү билдирди.

"Сулуулук салонун ачуу бала кезден бери келаткан кыялым. Бир ай мурун бул ишке киришип, буюрса, минтип салондун ачылышын жасап алдык. Буга чейин бирөө менен биргеликте дүкөн ачып, ал ишим акталбай калган. Муну жалгыз өзүм ачып жаткандыктан, майда нерселерине чейин дыкаттык менен маани берип, баарын пландап ишке ашырдым. Каражат да көп кетти. Бул менин кызымдын келечеги үчүн жасап жаткан кадамым. Андыктан мындан ары ийгиликтүү алып кетүүгө болгон аракетимди жумшайм", - дейт Асел.

Ырчы айымдын салонунун лентасын Асел өзү, апасы Дилбар Монокбаева жана кайнежеси Элзада Насипбекова кести. Ачылыш аземге ырчылар Гүланда, Сайкал Садыбакасова, Айдана Дека, Анжелика куудул Гүлжайна Атаканова, алып баруучу жана ырчы Айзада Жамгырчиева жана башкалар келип, көрүүчүлөргө чакан концерт коюп беришти.